Das aber ich Johans von Horburg der vorgenanten dise vorgescriben ding stete habe dar umbe, so han ich min Ingesigel an disen brief gehenket. Unde han oͧch gebetten minen hoͤhen Johans Lantgraven hern Ůlrichz Lantgraven seligen sun von Elsatz, das er sin Ingesigel gehenket het an disen brief zů einre bestetigunge der vorgescriben ding.

Ich Johans Lantgrave der egenante habe von bette wegen mins hoͤhemes Johanns von Horburg dez vorgenante min Ingesigel gehencket an disen brief zů einre bestetigunge der vorgescriben dinge.

Wir die vorgenanten Burger zů Ersthein, hant oͧch unsre stete Ingesigel zů eime urkunde und einre bestetigunge der vorgescriben dinge gehencket an disen brief.