In disen vorgeschriben sachen sol dem Gerichte behalten sin allir simr Reht und, und sol ein Schultheizze rihten, noch der Schöpphen urtail, und sollent dem Schulthaizzen und den Schöpphen wir rechter ouch behalten sin one alle gevärde, etc.

Wir Ludewig von gottes genaden Romischer keiser ze allenziten mer(er) dez Richs, veriehen öffenlichen an disem brieff und tün kunt allen den die in anesehent oder hörent lesen, daz wir den wisen und bescheidenen lûten dem Burgermeister, dem Rate und den burgern gemeinlich unser Stat ze Hagenöwe durch gemeynen friden und nutze der Stat den gewalt gegeben haben und geben in inen ouch mit disem unserm gegenwertigem briefe, das sû vier und zwentzig von der gemeynde und den antwerchen in ir statt gesetzen und gekyesen möget die, den gewalt habent der hienoch geschriben stet. etc. ... "Finis vero isporum l_rarum cesarerum sequit in hec verba." Und das diz stäte und unzerbrhen belibe, geben wir in disen brieff versigelt mit unserm keyserlichem Insigel, Der geben ist zü Nüremberg an dem nähsten frytag vor dem Wissen Sunnentage, do men zalte von Christs geburt druzehenhundert jore darnoch in dem zwei und drizzigestem jar, in dem achtzehendem jor unsers Richs, und in dem fûnfften dez Keysertüms.