Und dez zů urkunde, so han ich der vorg. Niclawes Speg, und ich der vorg. Stislau gebrůd(er)e von der Witen Mulen uns(er)e Ingesigele gehenket an disen brief, uns und alle unser erben zů ubersagende aller dirre vorgeschriben dinge .. Und zů merre sicherheit, so hant wir gebeten den erben Woͤlfel Lupe einen scheffen zů Hagenowe, daz er sin Ingesigel zů unsern vorg. Ingesigelen öch het gehenket an disen brief zů gezugnisse aller dirre vorgeschriben dinge ..

Und ich Woͤlfel Lupe scheffen zů Hagenowe vergihe daz ich durch bet willen der vorg. frumen ritt(er)e hern Niclawes Speckes und hern Stislaus gebruͤd(er)e von der Witen Mulen, min Ingesigel öch han gehenket an disen brief zů iren vorg. Ingesigelen zů gezugnisse aller dirre vorgeschriben dinge ..